Supresión da proba que substitúe o bacharelato no acceso aos Graos
Tras recibir instrucións específicas do Ministerio de Educación, Formación Profesional e Deportes ao respecto da aplicación da Lei 1/2024,
de 7 de xuño, pola que se regulan as ensinanzas artísticas superiores e
se establece a organización e equivalencias das ensinanzas artísticas
profesionais (LEA), comunicamos a supresión da proba que substitúe o requisito de titulación para o acceso ás ensinanzas artísticas superiores, agás para as persoas menores de idade a partir dos 16 anos que manifesten precocidade e que opten ao acceso ás ensinanzas artísticas superiores de Música e Danza, segundo o indicado no artigo 7.3 da Lei 1/2024, de 7 de xuño.
Deste
xeito, para o acceso aos Graos o alumnado deberá contar co titulo de
bacharelato e non haberá posibilidade de obtelo no proceso de acceso. Sí
poderán obtelo a través da proba para a obtención do título de bacharel para maiores de vinte anos (Resolución do 21 de febreiro de 2025), que para cando fumos informados, xa pechara o prazo de inscrición.
No caso do acceso ás Ensinanzas profesionais, mantense esta proba como en cursos anteriores.
Títulos de acceso directo ás Ensinanzas Profesionais (Ciclos Superiores)
As titulacións que permiten solicitar acceso directo aos Ciclos Superiores son:
- Título de Técnico ou Técnica de Artes Plásticas e Deseño ou título declarado equivalente.
- Título de Técnico Superior de Artes Plásticas e Deseño ou título declarado equivalente.
- Título de bacharelato, modalidade de artes, ou de bacharelato artístico experimental.
- Título
superior ou título de grao en ensinanzas artísticas superiores de Artes
Plásticas nas súas diferentes especialidades, ou títulos declarados
equivalentes.
- Título
superior ou título de grao en ensinanzas artísticas superiores de
Deseño, nas súas diferentes especialidades, ou títulos declarados
equivalentes.
- Título
superior ou título de grao en ensinanzas artísticas superiores de
Conservación e Restauración de Bens Culturais, nas súas diferentes
especialidades.
- Licenciatura ou grao en Belas Artes.
- Titulo de Arquitectura superior ou grao en Arquitectura.
- Enxeñaría técnica en Deseño Industrial ou grao en calquera especialidade de Deseño Industrial.
- Cumprir
os requisitos académicos para o acceso mediante proba e acreditar
experiencia laboral relacionada coas competencias do ciclo ao que se
opta de polo menos un ano.
Deste
xeito, no caso de ter un título de técnico medio ou superior de Artes
plásticas e deseño poderían solicitar acceso directo, aínda que non sexa
da mesma familia profesional.
Solicitude de acceso directo e proba específica
Na charla impartida, comentamos a posibilidade de facer a
solicitude de acceso a un ciclo dunha familia profesional a través de
acceso directo e facer outra solicitude para outra familia con proba
específica.
Coa convocatoria recén publicada, soubemos que esta opción non é
posible, e que cando as persoas aspirantes fan a solicitude de acceso,
poden seleccionar só unha vía (acceso directo ou proba específica) pero
para ciclos de calquera famlia profesional. Deste xeito, cunha soa
solicitude de inscrición, pódese ter acceso a ciclos de calquera familia
profesional.
