“Xornadas de Portas Abertas: Coñece a USC”

 A Universidade de Santiago de Compostela celebrará os vindeiros 13, 14 e 15 de xuño en Santiago e o 20, 21 e 22 de xuño en Lugo as “Xornadas de Portas Abertas: Coñece a USC”

Estas Xornadas están dirixidas ao estudantado que ven de realizar as probas das ABAU, e que vai entrar na Universidade, para que poida achegarse as titulacións de Grao que lle poidan interesar da nosa Universidade.

Os/as interesados/as poderán inscribirse mediante o seguinte formulario https://forms.office.com/e/PnyEqwzmv0 indicando o número de asistentes (no caso de vir con algún acompañante) e seleccionando as titulacións que queren visitar. As titulacións están agrupadas polos centros no que se imparten. Cada unha poderase visitar no horario indicado no formulario.

O prazo de inscrición rematará o día martes, 11 de xuño ás 14 horas para o Campus de Santiago e o luns, 18 de xuño ás 14 horas para o Campus de Lugo.

Preme neste ENLACE para ver oferta de titulacións que abren as súas portas e os seus horarios.

Destino FP! Explorando maneiras de coñecer a formación profesional

A finais do mes de xuño vai comezar o proceso de admisión nos ciclos da formación profesional, nesta actividade traballanrase de maneira conxunta as diferentes fases deste procedemento: solicitude, códigos de consulta, activación contas, etc

CANDO:  13/06/2024

INSCRICIÓNS:  Dende o 15/05/2024 ata o 11/06/2024

HORARIO:  19:00 h.

DURACIÓN: 1 hora

ENDEREZO: Naves do Metrosidero (Nave 03).

Convocadas as probas de acceso ás ensinanzas deportivas para o curso 2024/25

 

Xúntase a Resolución do 9 de abril de 2024, da Dirección Xeral de Formación Profesional, pola que se convocan probas de acceso ás ensinanzas deportivas para o curso 2024/25.

 

NOTA: As/os aspirantes á especialidade de Espeleoloxía, ademais da superación das probas de acceso específicas deberán superar unha entrevista coas empresas do sector. No caso de non acudir, decaerán no seu dereito a cursar as devanditas ensinanzas.

 

• Resolución do 9 de abril de 2024 (DOG) 
•  Designación do tribunal que elaborará, supervisará e avaliará a proba que substitúe o requisito de titulación de ESO 
• Designación do tribunal que elaborará, supervisará e avaliará a proba que substitúe o requisito de titulación de bacharelato  
• CORRECCIÓN DE ERROS. Resolución de 9 de abril de 2024 (DOG)

Aberto prazo de admisión nas Escolas de Arte e Superiores de Deseño de Galicia para o curso 2024/25

 

Xa está aberto o prazo de admisión para as Escolas de Arte e Superiores de Deseño de Galicia. En Galicia hai 4 EASD’s de titularidade pública, dependentes da Xunta de Galicia na que se imparten os graos en Deseño (equiparables aos graos universitarios) e as ensinanzas artísticas profesionais (equiparables a FP):

• EASD Pablo Picasso, en A Coruña.
• EASD Mestre Mateo, en Santiago de Compostela.
• EASD Ramón Falcón, en Lugo.
• EASD Antonio Failde, en Ourense.

 

Nos seguintes enlaces podes atopar a información relativa ás probas de acceso para o vindeiro curso 2024/25:

• Probas de acceso aos Graos de Deseño
• Probas de acceso ás Ensinanzas Artísticas Profesionais (Ciclos)

 

Ademais, os seguintes enlaces poden ser de interese para responder algunhas das preguntas mais frecuentes sobre este proceso de admisión, nos que tamén están dispoñibles para descargar exemplos de probas de convocatorias anteriores.

• Preguntas frecuentes sobre o acceso aos Graos de Deseño
• Preguntas frecuentes sobre o acceso ás Ensinanzas Artísticas Profesionais (Ciclos)

Para ampliar información sobre a oferta formativa da escola Pablo Picasso de A Coruña, podes consultar os plans de estudos das diferentes especialidades que se imparten:

• Grao en Deseño Gráfico
• Grao en Deseño de Interiores
• Ciclo Superior de Dourado, prateado e policromía
• Ciclo Superior de Escultura aplicada ao espectáculo
• Ciclo Superior de Fotografía
• Ciclo Superior de Ilustración
• Taller modular de Cerámica
• Taller modular de Madeira.

GUÍA DE ACCESO UNIVERSITARIO 2024

 Achégase a guía universitaria Uniscopio, coa que poderás coñecer todas as universidades españolas públicas e privadas e poderás atopar información sobre os exames de acceso admisión, bolsas ou aloxamento.

Trátase dunha guía interactiva, con enlaces aos diferentes recursos.

Para acceder á guía preme no seguinte enlace:

Guía de acceso universitario 2024

Probas de acceso a ciclos formativos de grao superior. Cualificacións provisionais Convocatoria 2024

 

Publicada a listaxe provisional de cualificacións das probas de acceso a ciclos formativos de grao superior.

Período de reclamación: do 29 de abril ao 6 de maio, ambos os dous incluídos, no centro onde se presentou a solicitude de inscrición.

Máis información

Convocatoria dos premios extraordinarios de bacharelato correspondentes ao curso 2023/24

Publicouse a Orde do 19 de abril de 2024 pola que se convocan os premios extraordinarios de bacharelato correspondentes ao curso 2023/24.

• O prazo de presentación de solicitudes será dun mes, comezará o día 29 de abril de 2024 e rematará o día 28 de maio de 2024.
• Máis información premendo nos seguintes enlaces:
  

ORDE 19 de abril 2024

Extracto ORDE 19 abril 2024