Para o acceso aos estudos superiores de Conservación e Restauración de Bens Culturais, en calquera das súas especialidades, requirirase estar en posesión do título de bacharelato ou título declarado equivalente para os efectos académicos, así como a superación da correspondente proba específica.
Aquelas persoas que desexen realizar a proba específica de acceso e teñan penden-te algunha das materias do bacharelato poderán inscribirse no proceso de acceso e admi-sión e realizar a dita proba e, no caso de superala, poderán optar á asignación da praza solicitada, unha vez estean en posesión do título de bacharelato.
O prazo de presentación das solicitudes comprenderá desde o 14 de maio ata o 7 de xuño, ambos os dous incluídos.
Con carácter xeral, as solicitudes deberán realizarse de xeito telemático cubrindo o formulario dispoñible en www.edu.xunta.es/reximeespecial, e empregando o certificado dixital ou sistema de usuario e clave Chave365 (https://sede.xunta.gal/chave365). Non obstante, tamén se poderá formalizar a inscrición directamente na secretaría da Escola Superior de Conservación e Restauración de Bens Culturais de Galicia.
Para completar o proceso de inscrición, deberase presentar unha copia da solicitude xunto coa documentación requirida na secretaría da Escola Superior de Conservación e Restauración de Bens Culturais.
As probas específica de acceso ás ensinanzas superiores de Conservación e Restau-ración de Bens Culturais desenvolveranse o día 4 de xullo na da Escola Superior de Conservación e Restauración de Bens Culturais de Galicia. Para completar o proceso de inscrición, deberase presentar unha copia da solicitude xunto coa documentación requirida na secretaría da Escola Superior de Conservación e Restauración de Bens Culturais.
A proba para os/as aspirantes que non cumpran o requisito de titulación e cumpran 18 anos no 2019, celebrarase o día 17 de xuño no IES As Fontiñas, de Santiago de Compostela.
ENLACE CON TODA A INFORMACIÓN
No hay comentarios:
Publicar un comentario