martes, 16 de marzo de 2021

“Encontros Virtuais na Zona USC”

 https://blogger.googleusercontent.com/img/b/R29vZ2xl/AVvXsEj1iqQC0RUb44QTKsaRPfxJKAp8nS4YU7XppNCUxy-KX3LuedrvXus_cq5bBPXLhALvN9FO3ec_SjCYCmFooJnbx5WT20Pz61o4uLU6aA8UsD7CnSjGk5tPCHKjgENiIL1Ep9uaGs-8o-7J/s1600/USC.png        

 Os días 23, 24 e 25 de marzo, martes, mércores e xoves da próxima semana terán lugar os “Encontros Virtuais na Zona USC” dirixidos ao estudantado de Bacahrelato  a través da páxina Web da USC:

https://www.usc.gal/gl/encontros-virtuais

Dende esta páxina poderás enlazar con todas as páxinas dos Encontros. Esta páxina xa está operativa e estará aberta de forma continua.

O Acto de Inauguración terá lugar o martes, 23 de marzo, ás 12h., presidido polo reitor da Universidade. A continuación o profesor Ángel Carracedo, catedrático de Medicina Legal da USC e director da “Fundación Pública Galega de Medicina Xenómica” e do “Centro Nacional de Genotipado”, pronunciará unha conferencia co título “Proxectos e ilusións”. Falará dos seus proxectos e ilusións.

O Acto de Clausura terá lugar o xoves, 25 de marzo, ás 18h. A escritora Érica Esmorís (Licenciada en Veterinaria no Campus de Lugo da USC) pronunciará a conferencia final co título “Non hai punto e final”. Falará sobre a elección de carreira: elixir unha carreira e formación é importante pero non determinante ao longo dunha vida profesional.

Dende a páxina de entrada poderase enlazar coas páxinas dos centros (facultades e escolas). Nestas páxinas  haberá vídeos explicativos da oferta da USC, así como das ABAU e do Acceso:

o    Presentacións das titulacións

o    Opinión dos estudantes sobre a titulación

o    Pílulas relacionadas coa titulación

o    Enlaces para conectarse por VIDEOCONFERENCIA con profesorado e estudantado de cada titulación.

A través deses enlaces o estudantado poderá falar por VIDEOCONFERENCIA cos/as responsables e estudantes da titulación para aclarar as súas dúbidas nos horarios indicados. En cada enlace figurarán os horarios de cada unha destas videoconferencias.


No hay comentarios:

Publicar un comentario